پاکستان انٹرنیشنل ایئر لائن (پی آئی اے) کی نجکاری کے بعد ایک خبر سوشل میڈیا پر گردش کررہی ہے جس میں دعویٰ کیا جا رہا ہے کہ پرائیوٹائزیشن کے بعد اب پی آئی اے کا نام بھی تبدیل کردیا گیا ہے۔
سوشل میڈیا صارفین اس خبر کو بغیر تحقیق شیئر کررہے ہیں، اور حکومت کو تنقید کا نشانہ بنایا جا رہا ہے۔
پی آئی اے کا تو نام تبدیل کر دیا ہے اب پتا نہیں آگے کیا ہوگا
ملک کے بارے میں کچھ سوچا ہوگا نام— HABIB RASOOL (@wwwhabibrasool) December 25, 2025
فیکٹ پلس نے اس حوالے سے تحقیق کی تو معلوم ہوا کہ پی آئی اے کا کا نام تبدیل کرنے کی خبروں میں کوئی صداقت نہیں، حکومت نے عارف حبیب گروپ کے ساتھ یہ طے کیا ہے کہ قومی ایئر لائن کا نام تبدیل نہیں ہوگا۔
وزیراعظم کے مشیر برائے نجکاری محمد علی نے بھی اس حوالے سے وضاحت کی ہے کہ پی آئی اے کا نام تبدیل نہیں کیا جائےگا۔
معروف بزنس گروپ عارف حبیب گروپ نے ایک ارب 35 کروڑ روپے میں پی آئی اے کے 75 فیصد شیئرز خرید لیے ہیں۔
عارف حبیب گروپ کے سربراہ عارف حبیب نے نجکاری کا عمل مکمل ہونے کے بعد کہا کہ ہم قومی ایئر لائن کو دوبارہ عظیم بنائیں گے، اور مزید 25 فیصد شیئرز خریدنے کی بھی کوشش کی جائےگی۔
نتائج:۔ ان افواہوں میں کوئی حقیقت نہیں کہ نجکاری کے بعد پی آئی اے کا نام بھی تبدیل کردیا گیا ہے، یہ فیک نیوز ہے۔
