بھارتی میڈیا پر ایک خبر گردش کررہی ہے جس میں دعویٰ کیا جارہا ہے کہ سابق نگراں وزیراعظم انوارالحق کاکڑ پر قاتلانہ حملہ ہوا ہے جس میں وہ شدید زخمی ہو گئے ہیں۔
بھارتی میڈیا اور افغان طالبان سے منسلک اکاؤنٹس پر خبر نشر ہونے کے بعد سوشل میڈیا صارفین اس خبر کو بغیر تحقیق آگے شیئر کررہے ہیں، اور مختلف تبصرے بھی کیے جا رہے ہیں۔
BREAKING NEWS 🚨
Former Pakistani Prime Minister Anwarul Haq Kakar has been attacked and seriously injured.Sources told Khorasan English that the former Pakistani Prime Minister was targeted and sustained severe injuries. So far, officials from the Pakistani government have… pic.twitter.com/wqdspjA0Xs
— Khurasan English (@KhurasanEng0) December 2, 2025
فیکٹ پلس نے اس حوالے سے تحقیق کی اور حقائق جاننے کی کوشش کی تو معلوم ہوا کہ یہ فیک نیوز ہے، انوارالحق کاکڑ پر کوئی قاتلانہ حملہ نہیں ہوا۔
فیکٹ پلس کے مطابق بھارت اور ٹی ٹی پی سے منسلک افغان اکاؤنٹس سے اس دعوے کو بار بار شیئر کیا گیا ہے۔
فیکٹس پلس نے انوارالحق کاکڑ کے قریبی ذرائع سے معلوم کیا تو بتایا گیا کہ سابق نگراں وزیراعظم دورہ چین پر ہیں، ان پر قاتلانہ حملے کی جھوٹی خبر پھیلائی جارہی ہے۔
اس سے قبل اڈیالہ جیل میں قید سابق وزیراعظم عمران خان کے حوالے سے بھی گمراہ کن افواہیں پھیلائی گئیں، جو گزشتہ روز عظمیٰ خان کی ان سے ملاقات کے بعد غلط ثابت ہوئیں۔
بھارت اور افغانستان سے منسلک سوشل میڈیا اکاؤنٹس پاکستان میں افراتفری پھیلانے کے لیے ایسے ہتھکنڈے اپنا رہے ہیں۔
نتائج:۔ سابق نگراں وزیراعظم انوارالحق کاکڑ پر قاتلانہ حملے کی خبر درست نہیں۔
