کچھ روز قبل چیف آف ڈیفنس فورسز فیلڈ مارشل سید عاصم منیر کی زیرصدارت کور کمانڈرز کانفرنس ہوئی جس میں واضح کیا گیا کہ افواج اور عوام کے درمیان کسی کو بھی تفرقہ ڈالنے کی اجازت نہیں دی جائےگی۔
آئی ایس پی آر کی جانب سے کور کمانڈرز کانفرنس کے بعد پریس ریلیز جاری کرنے کے ساتھ ساتھ ویڈیو بھی ریلیز کی گئی۔
سوشل میڈیا پر کچھ صارفین یہ دعویٰ کررہے ہیں کہ فیلڈ مارشل عاصم منیر نے بلٹ پروف شیشے سے کور کمانڈرز سے خطاب کیا، اور ساتھ ہی کچھ سوالات بھی اٹھائے جا رہے ہیں۔
یہ کور کمانڈر کانفرنس میں بلٹ پروف شیشے کی کیا ضرورت ہوتی ہے؟ pic.twitter.com/xDUvB3MUDO
— Sabee Kazmi (@SabeeKazmi786) December 27, 2025
فیکٹ پلس نے اس حوالے سے تحقیق کی اور آئی ایس پی آر کی جانب سے جاری کی گئی ویڈیو کا بغور جائزہ لیا تو معلوم کہ فیلڈ مارشل نے کور کمانڈرز کانفرنس کی صدارت کے دوران کور کمانڈرز سے آمنے سامنے خطاب کیا، اس دوران درمیان میں کوئی بلٹ پروف شیشہ حائل نہیں تھا۔
آپکو شرم آنی چاہیے انڈینز اکاونٹ سے آلٹرڈ تصاویر لیکر آپ لوگ بھی انڈین پراپیگنڈا کو پھیلا رہے ہیں یہ اصل وڈیو ہے جو تین دن پہلے کور کمانڈر کانفرنس کے دوران ispr کے آفیشل یوٹیوب چینل پر اپلوڈ ہوئی ہے جس میں ایسا کوئی بلٹ پروف شیشہ نظر ہی نہیں آرہا۔ https://t.co/bayILgl8mw pic.twitter.com/O0l11U45ap
— Expose Propaganda (@EPropoganda1) December 28, 2025
دفاعی ماہرین نے بتایا کہ کور کمانڈرز کانفرنس کے دوران بلٹ پروف شیشہ استعمال کرنے کی ضرورت ہی نہیں ہوتی، اگر کسی عوامی جگہ کی ویڈیو ہوتی تو اس پر بات ہو سکتی تھی، لیکن یہ سراسر پروپیگنڈا ہے۔
فیکٹ پلس کے مطابق فیلڈ مارشل عاصم منیر کے خلاف ایک منظم پروپیگنڈا مہم چلائی جا رہی ہے، جس کے پیچھے بہت سے بیرونی ہاتھ کار فرما ہیں۔
یہاں یہ بھی واضح رہے کہ بلٹ پروف شیشے والی جعلی ویڈیو بھارت سے منسلک سوشل میڈیا اکاؤنٹس سے بھی شیئر کی جا رہی ہے، جس سے اندازہ لگایا جا سکتا ہے کہ اس منظم مہم کے پیچھے کون ہے۔
نتائج:۔ فیلڈ مارشل عاصم منیر کے کور کمانڈرز کانفرنس سے خطاب کے دوران درمیان میں کوئی بلٹ پروف شیشہ حائل نہیں تھا، اس حوالے سے ہونے والی باتیں پروپیگنڈا ہیں۔
