وزیر تعلیم پنجاب رانا سکندر حیات نے سوشل میڈیا پر گردش کرنے والی اسکولوں کی چھٹیوں میں اضافے کی خبروں کو جعلی قرار دیتے ہوئے واضح کیا ہے کہ اس حوالے سے ابھی تک کوئی فیصلہ نہیں کیا گیا۔
وزیر تعلیم نے عوام، والدین، طلبہ اور اساتذہ سے کہا ہے کہ وہ غیر مصدقہ اطلاعات پر بھروسہ نہ کریں اور صرف سرکاری و مستند ذرائع سے حاصل کردہ معلومات پر ہی انحصار کریں۔
سوشل میڈیا پر زیرِ گردش یہ نوٹیفکیشن جعلی ہے۔ عوام سے گزارش ہے کہ صرف مستند اور سرکاری ذرائع سے جاری کردہ معلومات پر ہی اعتماد کریں۔ pic.twitter.com/YkhRxQ6RcC
— Rana Sikandar Hayat (@RanaSikandarH) March 25, 2026
رانا سکندر حیات نے خبردار کیاکہ سوشل میڈیا پر پھیلنے والی افواہیں گمراہ کن ہو سکتی ہیں اور اس سے محتاط رہنا ضروری ہے۔
واضح رہے کہ اس سے قبل موسم سرما کی چھٹیوں کے دوران بھی اسی نوعیت کی افواہیں سامنے آئیں، جنہیں متعدد بار غلط قرار دیا گیا تھا۔
حکومت کی جانب سے اب تک 31 مارچ تک چھٹیاں دی گئی ہیں، اور یکم اپریل سے تعلیمی ادارے کھل جائیں گے۔
