سوشل میڈیا پر ایک ویڈیو گردش کررہی ہے جس کے حوالے سے دعویٰ کیا رہا ہے کہ وزیر اعلیٰ پنجاب مریم نواز شریف کا دیوہیکل مجسمہ لاہور میں تعمیر کیا جا رہا ہے۔
سوشل میڈیا صارفین اس ویڈیو کو دھڑا دھڑ شیئر کررہے ہیں، اور وزیراعلیٰ پنجاب مریم نواز کو تنقید کا نشانہ بنایا جارہا ہے۔
ایک ’ایکس‘صارف نے مبینہ ویڈیو شیئر کرتے ہوئے لکھا کہ ’وزیر اعلیٰ پنجاب کا شاہکار مجسمہ تکمیل کے آخری مراحل میں۔‘
وزیر اعلیٰ پنجاب کا شاہکار مجسمہ تکمیل کے آخری مراحل میں @MaryamNSharif pic.twitter.com/H8TXM0M3xl
— سید نوید شاہ کاظمی (@ShahG666) November 25, 2025
فیکٹ پلس نے تحقیق کی تو معلوم ہوا کہ لاہور میں وزیراعلیٰ مریم نواز کا ایسا کوئی مجسمہ نصب نہیں کیا جارہا، یہ ویڈیو اے آئی کے ذریعے تیار کی گئی ہے۔
دوسری جانب پنجاب کی وزیر اطلاعات عظمیٰ زاہد بخاری نے بھی میڈیا کو بتایا کہ یہ فیک نیوز ہے، حقیقت میں مریم نواز شریف کا ایسا کوئی مجسمہ موجود نہیں۔
نتائج:۔ لاہور میں مریم نواز کا مجسمہ نصب کرنے کی ویڈیو اے آئی سے بنائی گئی ہے، ایسا کوئی مجسمہ نصب نہیں کیا جارہا۔
