سوشل میڈیا پر ڈی جی ایف آئی اے ڈاکٹر عثمان انور کو خیبرپختونخوا کا انسپکٹر جنرل پولیس (آئی جی) تعینات کیے جانے سے متعلق ایک جعلی نوٹیفکیشن گردش کر رہا ہے۔
سوشل میڈیا پر وائرل نوٹیفکیشن میں دعویٰ کیا گیا ہے کہ گریڈ 21 کے پولیس آفیسر ڈاکٹر عثمان انور کو آئی جی خیبرپختونخوا کی ذمہ داریاں سونپ دی گئی ہیں، تاہم فیکٹ چیک کے دوران یہ دعویٰ بے بنیاد ثابت ہوا ہے۔
سوشل میڈیا پر ڈاکٹر عثمان انور کی بطور آئی جی خیبر پختونخوا تعیناتی کا جعلی نوٹیفکیشن وائرل، عثمان انور کو آئی جی خیبر پختونخوا تعینات کرنے کا نوٹیفکیشن جعلی نکلا، وائرل نوٹیفکیشن میں ڈاکٹر عثمان انور کی بطور آئی جی خیبر پختونخوا تعیناتی کا دعویٰ کیا گیا، پولیس سروس، گریڈ 21 کے… https://t.co/cZt2XKBL3q pic.twitter.com/eEWLzRBU4t
— Hussain Ahmed Ch (@HussainAhmedCh8) August 22, 2026
تحقیقات سے معلوم ہوا ہے کہ ڈاکٹر عثمان انور کی آئی جی خیبرپختونخوا کے عہدے پر تعیناتی سے متعلق جاری کیا گیا نوٹیفکیشن جعلی ہے اور ایسا کوئی سرکاری حکم نامہ سامنے نہیں آیا۔
ڈاکٹر عثمان انور اس وقت پولیس سروس آف پاکستان کے گریڈ 21 کے افسر کی حیثیت سے ڈائریکٹر جنرل ایف آئی اے کے فرائض انجام دے رہے ہیں۔ اس سے قبل وہ انسپکٹر جنرل پنجاب پولیس بھی رہ چکے ہیں۔
لہٰذا سوشل میڈیا پر ڈاکٹر عثمان انور کو آئی جی خیبرپختونخوا تعینات کیے جانے سے متعلق وائرل نوٹیفکیشن جعلی اور گمراہ کن ہے۔
