سوشل میڈیا اور واٹس ایپ گروپس میں گردش کرنے والے ایک دعوے میں کہا جا رہا تھا کہ پنجاب کے لوگوں کو ڈرائیونگ ٹیسٹ دیے بغیر آن لائن لائسنس مل سکتا ہے۔
اس دعوے کے مطابق ایک ویب سائٹ کے ذریعے ڈرائیونگ لائسنس کے لیے درخواست دے کر درخواست گزار کو ٹیسٹ دیے بغیر لائسنس حاصل ہو جائے گا۔
📢 اہم عوامی اطلاع برائے شہریانِ پنجاب
ڈرائیونگ لائسنس کے لیے اب آن لائن درخواست دینے کی سہولت دستیاب ہے۔
دستک پنجاب کے ذریعے شہری گھر بیٹھے درخواست جمع کر سکتے ہیں اور فیس آن لائن ادا کر سکتے ہیں۔
🔹 سرکاری پالیسی کے مطابق ڈرائیونگ ٹیسٹ نہیں لیا جائے گا
🔹 آن لائن ادائیگی کی… pic.twitter.com/1NopBY0yAI— Iram (Summan) Dar ♌ (@summandar01) January 6, 2026
تاہم فیکٹ پلس کی تحقیقات سے معلوم ہوا ہے کہ یہ دعویٰ غلط ہے اور جس ویب سائٹ کا ذکر کیا جا رہا ہے، وہ سرکاری نہیں بلکہ جعلی اور دھوکہ دہی پر مبنی ہے۔
حکام کے مطابق اس طرح کی سائٹس صارفین کی ذاتی اور مالی معلومات چوری کرکے فراڈ کا سبب بنتی ہیں، اور ان کا حکومتِ پنجاب یا ٹریفک پولیس سے کوئی تعلق نہیں ہوتا۔
حقیقت میں ڈرائیونگ لائسنس، ڈپلیکیٹ لائسنس یا لائسنس کی تجدید جیسی خدمات کے لیے سرکاری ڈومین والی ویب سائٹس کا استعمال ضروری ہے، جبکہ جعلی سائٹس حقیقی سرکاری خدمات فراہم نہیں کر سکتیں۔
نتیجہ: پنجاب میں بغیر ڈرائیونگ ٹیسٹ کے آن لائن لائسنس دینے والا دعویٰ بے بنیاد ہے، اور مذکورہ ویب سائٹ جعلی ہے جسے استعمال نہیں کرنا چاہیے۔
