پاکستان کے مین اسٹریم میڈیا سمیت سوشل میڈیا پر ایک خبر زیر گردش ہے کہ حکومت نے وفاقی سرکاری ملازمین کی ہفتہ کے روز کی چھٹی ختم کرنے کا فیصلہ کرلیا ہے۔
خبر میں دعویٰ کیا گیا ہے کہ ہفتہ کے روز کی سرکاری چھٹی سے بجلی سمیت دیگر کوئی بچت نہیں ہوئی، جبکہ دوسری جانب سائلین کی مشکلات میں اضافہ ہوا ہے۔
دنیا اس وقت ہفتے میں 4 دن کام )4 working days) پر جا رہی ہے اور ہم ہفتے کی چھٹی ختم کرنے کے چکر میں ہیں
ایک چھٹی تو گھر کے کاموں میں گزر جاتی ہے- کم از کم دو دن چھٹئ ہو تو انسان تھوڑا ذہنی سکون کے ساتھ آرام کر سکتا ہے-
باقی اس قوم سے بے شک 7 دن کام کرا لو یہ نہیں کرے گی pic.twitter.com/royyCSCblC— ســــــــــائــــــرہ (@18_76x) June 4, 2024
زیر گردش خبر میں کہا گیا کہ حکومت یکم جولائی سے وفاقی سرکاری محکموں میں ہفتہ کی چھٹی ختم کردے گی۔
فیکٹ پلس نے اس حوالے سے تحقیق کی اور جاننے کی کوشش کی کہ حقیقت کیا تو معلوم ہوا کہ یہ فیک نیوز ہے۔
دوسری جانب کابینہ ڈویژن کے ترجمان نے سوشل میڈیا پر ہفتہ کی سر کاری چھٹی کو ختم کیے جانے کی قیاس آرائیوں کو غلط اور بے بنیاد قرار دےدیا ہے۔
ترجمان نے میڈیا کو بتایا کہ ایسی کو ئی تجویز کابینہ ڈویژن کے پاس زیرغور نہیں، ابھی تک کابینہ ڈویژن نے اس بارے میں کوئی کیس پراسیس نہیں کیا۔
