سوشل میڈیا پر ایک ایسی تصویر وائرل ہو رہی ہے جس میں یہ دیکھا جا سکتا ہے کہ سیکیورٹی فورسز کا اہلکار ایک خاتون کو بندوق کے ساتھ تشدد کا نشانہ بنا رہا ہے۔
اس تصویر کے بارے میں یہ کہا جا رہا ہے کہ اہلکار پاکستان تحریک انصاف (پی ٹی آئی) کی خاتون کوزمان پارک لاہور میں تشدد کا نشانہ بنا رہا ہے،لیکن حقیت کچھ اور ہے۔
ایکسپوز پروپیگینڈا نامی ٹوئٹر اکاؤنٹ نے بھی اس تصویر کو شیئر کیا اور انکشاف کیا کہ یہ تصویر لاہور کی نہیں بلکہ افغانستان کی ہے۔
ایکسپوز پروپیگینڈا نامی ٹوئٹر اکاؤنٹ نے تصویر کے کیپشن میں لکھا کہ نوشی گیلانی ٹوئٹر صارف کے اکاؤنٹ سے شیئر ہونے والی فوٹو جس کو عمران ریاض نے شیئر کیا ہوا ہے وہ تصویر لاہور کی نہیں افغانستان کی ہے۔پرانی اور فیک تصاویر وائرل کر کے جان بوجھ کر پاکستان کا عالمی تشخص اور شخصی آزادیوں کے خلاف پراپیگینڈا کیا جا رہا ہے۔
ٹوئٹر صارف نوشی گیلانی کی جانب سے شیئر کی جانے والی تصویر کے نیچے یہ شعر لکھا تھا کہ میرے لاہور کی کہانی کو تم نے ۔۔۔کشمیر سے بدل ڈالا۔اس ٹوئٹ کو اینکر پرسن عمران خان کی طرف سے بھی ری ٹوئٹ کیا گیا ہے۔
ایکسپوز پروپیگینڈا نامی ٹوئٹر اکاؤنٹ نے اصل تصویر بھی شیئر کی جس کے مطابق یہ تصویر 13 اکتوبر 2022کو ہزارہ کمیونٹی کی ایک خبر کے لیے استعمال کی گئی تھی۔
اس خبر کے کیپشن میں لکھاہے کہ طالبان سیکیورٹی فورسز کا ایک کارکن کابل میں احتجاجی مظاہرہ کرنے والی خاتون کو دھمکا رہا ہے۔
