سوشل میڈیا پر ایک خبر گردش کررہی ہے جس میں دعویٰ کیا جارہا ہے کہ اداکارہ ہانیہ عامر برازیل میں ایک حادثے کے دوران جاں بحق ہوگئی ہیں۔
سوشل میڈیا صارفین دعویٰ کررہے ہیں کہ ہانیہ عامر برازیل میں اسکائی ڈائیونگ کے دوران موت کے منہ میں چلی گئیں، اور اس حوالے سے ایک ویڈیو بھی شیئر کی جارہی ہے۔ جس میں دیکھا جا سکتا ہے کہ ایک خاتون اسکائی ڈائیونگ کے دوران بیلٹ ٹوٹنے کے باعث کھائی میں جا گرتی ہیں۔
View this post on Instagram
سوشل میڈیا صارفین بغیر تحقیق اس ویڈیو کو شیئر کررہے ہیں اور ہانیہ عامر کے رشتہ داروں سمیت ان کے چاہنے والوں سے افسوس کا اظہار کیا جارہا ہے۔
فیکٹ پلس نے اس حوالے سے تحقیق کی اور حقائق جاننے کی کوشش کی تو معلوم ہوا کہ یہ فیک نیوز ہے۔
فیکٹ پلس کے مطابق ویڈیو میں جو خاتون نظر آرہی ہیں وہ ہانیہ عامر نہیں ہیں۔ یہ ویڈیو برازیل میں کیے گئے ایک اسٹنٹ کو دکھاتی ہے، کسی حادثے کی نہیں۔
وائرل کلپ میں نظر آنے والی خاتون برازیلین اطالوی ایتھلیٹ لُوئیزا فیراری ہیں۔ اور وہ اپنا بیلٹ کھولنے کے بعد محفوظ طریقے سے پیراشوٹ کھول لیتی ہے، یہ کوئی حادثہ نہیں ہے۔
View this post on Instagram
دوسری جانب اداکارہ ہانیہ عامر نے خود بھی ایسی تمام خبروں کو مسترد کرتے ہوئے کہا ہے کہ وہ خیریت سے ہیں، اور ان کے حوالے سے چلنے والی خبریں من گھڑت ہیں۔
نتائج:۔ اداکارہ ہانیہ عامر کی حادثاتی موت کی خبر درست نہیں، وہ خیریت سے ہیں۔
