سوشل میڈیا پر ایک خبر گردش کررہی ہے کہ شمال مغربی افریقہ کے اسلامی ملک موریطانیہ کا ایک طیارہ بحیرہ احمر کے قریب گر کر تباہ ہوگیا ہے، جس میں 220 عازمین حج شہید ہوگئے ہیں۔
سوشل میڈیا صارفین اس خبر کو بغیر تصدیق شیئر کررہے ہیں اور اس خبر پر افسوس کا اظہار کرنے کے ساتھ ساتھ مختلف تبصرے کیے جارہے ہیں۔
اِنّا لِلّٰهِ وَاِنّا اِلَيْهِ رَاجِعُوْن
موریطانیہ کا حج طیارہ بحیرہ احمر کے قریب گر کر تباہ ۔۔۔220 حاجی صاحبان شہید۔۔۔۔ pic.twitter.com/oCc1RYZWwh— Sheikh saira sahiba (@ChotiSheikhni) May 27, 2025
فیکٹ پلس نے اس حوالے سے تصدیق کی تو معلوم ہوا کہ عازمین حج کو لے جانے والے موریطانیہ کے طیارے کو حادثہ پیش آنے کی خبر درست نہیں، یہ فیک نیوز ہے۔
دوسری جانب موریطانیہ کی ایئرلائنز نے بھی ایسی خبروں کی تردید کرتے ہوئے کہا ہے کہ عازمین حج کو لے کر جانے والا طیارہ بحفاظت اپنی منزل پر پہنچ گیا ہے۔
حکام کی جانب سے بتایا گیا کہ حج سیزن کے لیے ترتیب دی گئی پروازوں میں سے کسی کو کوئی حادثہ پیش نہیں آیا۔
نتائج:۔ عازمین حج کو لے جانے والے موریطانیہ کے طیارے کو حادثہ پیش آنے کی خبر فیک نیوز ہے۔
